Samstarfsaðili okkar, NordCap Nordic, hefur undirritað samning við ítölsku framleiðendurna Moduline og We Grill and More um sölu á búnaði þeirra á Norðurlöndunum — Svíþjóð, Noregi, Danmörku og Íslandi.

Þetta er mikilvægur áfangi í áframhaldandi uppbyggingu á úrvali okkar af lausnum fyrir veitinga-, gisti-, heilbrigðis- og stóreldhúsageirann, og bætist við þær öflugu vörulínur sem við bjóðum nú þegar frá NordCap — Ideal AKE, Nuovair og Fogal.

Moduline — frá eldhúsi að borði

Moduline-úrvalið nær yfir alla leiðina frá undirbúningi að framreiðslu með áherslu á gæði, orkunýtni og rekstrarhagkvæmni. Meðal lausna eru:

• Retherma endurhitunarkerfi
• Hold-lausnir fyrir heitt og kalt
• Cook & hold og reykofnar
• Þrýstiofnar (pressure oven)
• Grill og salamander (FlexyGrill)

Lausnirnar skila jöfnum gæðum, lengri geymsluþoli og minni matarsóun — og draga um leið úr álagi á starfsfólk, sem skiptir sífellt meira máli á vinnumarkaði.

We Grill and More — steikhúsaupplifun á þremur mínútum

We Grill and More kynnir byltingarkennt grillkerfi. Tæknin skilar ekta steikhúsaáferð með:

• Mjög hraðri upphitun — tilbúið á aðeins þremur mínútum
• Hita allt að 850°C fyrir fullkomna steikingu
• Stökkri áferð að utan og safaríku kjöti að innan
• Engum reyk eða lykt sem fylgir oft kolagrillum
• Lágri orkunotkun og lágmarks viðhaldi

Rekstrarvirði umfram kaupverð

Báðar vörulínurnar falla vel að þeirri hugsun sem við hjá Kælitækni leggjum áherslu á: að rétt valinn búnaður snúist um heildarkostnað og rekstrarvirði til lengri tíma — orkunýtni, jöfn gæði og minna álag á starfsfólk — fremur en kaupverðið eitt og sér.