Case study

Kæli- og frystiklefar Ölgerðarinnar

Fyrir Ölgerðina sáum við um hönnun og uppsetningu á einu umfangsmesta HEOS CO₂‑verkefni Kælitækni til þessa. Um er að ræða 10.000 m³ frystigeymslur og 3.000 m³ kæliklefa á Köllunarklettsvegi, sem byggja á HEOS HYBRID tækni – samsetningu loftkældra og vatnskældra eininga.

Viðskiptavinur

Ölgerðin

Ár / tímabil

2025-2026

Staðsetning

Köllunarklettsvegur

Áskorun

Ölgerðin stefndi að því að færa starfsemi Danól alfarið í eigin umsjón og sameina geymslu og dreifingu á kæli‑ og frystivörum fyrir bæði stórmarkaði og smásölu undir eitt þak. Hingað til hafði starfsemin verið í útvistun hjá Eimskip, og því þurfti að byggja nýjar geymslur frá grunni – án þess að raska daglegum rekstri að ráði.
Verkefnið fól í sér sérstaka áskorun: að gera viðskiptavininum kleift að hefja starfsemi nánast samstundis, án þess að bíða eftir fullkláruðum kæli‑ og frystiklefum. Jafnframt voru gerðar ríkar kröfur um umhverfisvæna lausn og lægri rekstrarkostnað til lengri tíma.

Markmið viðskiptavinar

Hýsa allar vörur í eigin húsnæði til að auðvelda dreifingu og geymslu á einum stað

Umhverfisvænt sjónarmiðið með CO₂-kælikerfi og lágmarks kolefnisspori

Lækka rekstrarkostnað til lengri tíma litið og aukið sjálfræði í vörustjórnun

Lausn Kælitækni

Kælitækni ehf. hannaði og setti upp heildstæða kæli- og frystilausn fyrir Ölgerðina á Köllunarklettsvegi, sem samanstendur af 10.000m3 frystigeymslu og 3.000m3 kæligeymslu sem eru tæplega 16 metrar á hæð.

Kæli- og frystibúnaðurinn byggir á HEOS Hybrid lausn – samsetningu loft- og vatnskældra CO2 kælikerfa.

17 sjálfstæð kerfi voru sett upp, 14 frystikerfi og 3 kælikerfi og eru þeim komið fyrir fyrir ofan klefana til þess að lágmarka lagnaleiðir. Slíkar uppsetningar þurfa hvorki sérútbúin vélarrými né flóknar úttektir þar sem þau falla undir PED þrýstiflokk Art. 4.3 sem krefst ekki úttektar frá þriðja aðila.

Ölgerðin fór í breytingar á eldri klefum sem voru til staðar árinu áður með HEOS-lausn frá Kælitækni. Þessi ákvörðun gerði þeim kleift að auðvelt var að flytja þann vélbúnað yfir á nýja klefa þegar hann var kominn í rekstur. Með þessu var hægt að koma í veg fyrir rekstrartruflanir á daglegum störfum vöruhússins og viðheldur viðskiptavinur fyrri fjárfestingu með því að nota hana áfram á nýjum stað.

Framkvæmd

Undirbúningur

Uppsetning á eldri klefa — bráðabirgðalausn

HEOS-lausn var sett upp á gamla klefa sem þegar var í húsnæðinu. Þetta gaf Ölgerðinni strax aðgang að kæli- og frystirými og gerði þeim kleift að krossdokka vörur frá Eimskip á meðan nýr klefi var reistur.

Undirbúningur

Hönnun og smíði

Klefaeiningar, hurðir og vélbúnaður

Kælitækni sá um hönnun og uppsetningu á klefaeiningum, hurðum og öllum vélbúnaði fyrir nýjan 10.000 m³ frystiklefa og 3.000 m³ kælihluta. HEOS HYBRID-kerfin — alls 17 talsins — voru sett upp ofan á klefaeiningunni.

Hönnun og smíði

Ræsing

Nýr klefinn ræstur á 8 HEOS-kerfum

Nýi klefinn var gangsettur með 8 HEOS-kerfum. Þar sem kerfin eru í flokki Art. 4.3 er engin þörf á sér vélarými eða sértækum úttektum, sem einfaldaði uppsetningu verulega.

Ræsing

Lokaskref

Flutningur kerfa af gamla klefa

Þegar nýi klefinn var fullkominn var slökkt á gamla klefanum og HEOS-kerfin þaðan flutt yfir á nýja klefann. Með þessum hætti varðveitti Ölgerðin alla upphafsfjárfestinguna.

Lokaskref

Niðurstöður og ávinningur

Starfssemin komin í eigið húsnæði

Ölgerðin getur nú hýst allar kæli- og frystivörur Danól á einum stað á Köllunarklettsvegi. Þetta gefur þeim fullt yfirráð yfir vörustjórnun, dreifingu og þjónustu við viðskiptavini.

Sveigjanleg lausn — fyrri fjárfesting nýtt áfram

Með sveigjanlegu uppbyggingu HEOS-kerfanna gat Ölgerðin hafið starfsemi um leið og uppbygging stóð yfir og endurnýtti kerfin af gamla klefanum þegar nýi klefinn var kláraður. Engin fjárfesting fór til spillis.

Umhverfisvæn CO₂-tækni — Art. 4.3 flokkur

CO₂-kælikerfi uppfyllir strangar umhverfiskröfur. Þar sem kerfin eru í flokki Art. 4.3 er enginn kröfur um sérstakt vélarými, en það þýðir lægri byggingakostnaður, minni viðhaldsþörf og lægri rekstrarkostnaður til lengri tíma.

Með þessum klefum höfum við komið vöruhúsi og dreifingu Danól undir sama þak, dregið úr kolefnisspori okkar með CO₂- kerfum og nýtt upphafsfjárfestinguna áfram þegar við fluttum kerfin yfir. Markmiðin sem við settum okkur í upphafi náðust, eitthvað sem er ekki alltaf gefið í svona stórum verkefnum

Gunnlaugur Einar Briem, framkvæmdastjóri vörustjórnunarsviðs Ölgerðarinnar